Por um Primeiro de Maio que resgate o legado do Movimento Comunista Internacional.
O Primeiro de Maio é o fruito do poder político, da capacidade de mobilização que fai anos tinha o MCI (Movimento Comunista Internacional). Marx desde a Primeira Internacional criou o Primeiro de Maio como umha data na que reivindicar principalmente a jornada de trabalho de oito horas e denunciar a reprerssom mas posteriormente, a Uniom Soviética, A República Popular da China, outros estados socialistas e todo o MCI, aproveitaram ao 1 de Maio para denunciar os crimes das potências imperialistas e apoiar as diferentes revoluçons populares, as guerras populares, as luitas de libertaçom nacional e demais guerras justas.
Hoje igual que onte devemos aproveitar o 1 de Maio para denunciar os grandes crimes realizados pola burguesia ao longo do mundo. Som exemplo disto o xenocídio colonial que está a sofrer Palestina ou, a carnificina em que se transformou Ucrânia. O bombardeamento da populaçom civil de Gaza e a fame criada pola destruiçom dos depósitos de água, das terras de cultivo e o bloqueio da ajuda humanitária provoca, a desnutriçom e a morte de crianças. A barbárie do colonialismo segue viva na Palestina graças ao sionismo, aos Estados Unidos e à Uniom Europeia.
Na Ucrânia segue a guerra entre a OTAN-UE e a Rússia. A guerra entre os interesses das burguesias da OTAN-UE e os interesses da burguesia da Rússia. Umha guerra na que morrem ucranianos mobilizados pola força. Umha guerra onde morre a populaçom civil tanto do território ucraniano e como do russo. Umha guerra que transformou a Ucrânia em um ninho de fascistas e lançou umha onda de militarismo que percorre todo mundo.
Ademais esta guerra mostrou até que ponto a tendência mundial ao militarismo está presente em praticamente todos os estados. Agora toca o rearme mundial, restaurar o serviço militar e dedicar uns anos à preparaçom para a próxima guerra mundial.
Porque o enfrentamento do bando da OTAN-UE contra Rússia e contra China começou em Ásia e em África (Síria, Taiwuan, Líbia, Sudam, Mali, Níger, etc), tamém chegou à Europa em Ucrânia mas, umha guerra proxy como a de Ucrânia ao dar-se entre grandes potências imperialistas pode levar a um enfrentamento a nível mundial. Um enfrentamento militar de este tipo facilmente pode escalar a um enfrentamento nuclear e como resultado a um inverno nuclear.
Frente a o horror imperialista, a resistência da Palestina, as guerras populares da Índia e das Filipinas, as mobilizaçons contra o xenocídio, etc, segue demonstrando que som as massas as que escrevem a história. Há muitas lutas justas no mundo que os comunistas devemos apoiar mas, as pessoas que tenham interesse polo Marxismo da nossa época (o Marxismo-Leninismo-Maoismo), tenhem que ter presente que o mais importante é a linha política, que a linha política justa cria a consciência. O tempo que dedicamos a estudar a realidade social forma parte do nosso trabalho como comunistas e o trabalho nas organizaçons de massas nom pode ser umha escusa para ignorar a ciência do proletariado.
O proletariado mais avançado politicamente nom se pode deixar arrastrado polo esnobismo, por um pós-modernismo que pretendendo ser original mas que na realidade repete as mesmas velhas e podres teses dos mencheviques contra os que tivo que luitar Lenin.
O menchevismo de qualquer classe (incluído o Trotskismo) demonstrou que nom é umha guia para açom senom que simplesmente, é um instrumento para criar confusom entre o proletariado.
A consciencia ao mando!
Galiza Vermelha
No hay comentarios:
Publicar un comentario