GALIZA: Pola República Socialista Galega (Galiza Vermelha)

 

25 de Julho Dia da Pátria Galega

Pola República Socialista Galega

Base de apoio da revoluçom proletária mundial

Neste momento a sociedade galega sofre umha importante crise económica, tam dura ou pior da que atravessamos no ano 2008. Isto significa que aumenta o desemprego, a pobreza e a migraçom, levando ao aumento das pessoas que sofrem a falta dos bens mais básicos. Os ataques e espólio da nossa terra tanto por parte de multinacionais como de capitais da burguesia galega, estam-se intensificando. Prova disto som os projeitos mineiros ou os megaparques eólicos.

Ao contrário que noutras épocas da nossa história recente, agora mesmo o movimento independentista galego sofre umha grande debilidade, tanto de tipo organizativo, como na capacidade de mobilizaçom de massas, como na sua deriva direitista e nacionalista. Hoje, o movimento independentista galego está a sofrer um dos momentos mais febles e fragmentados da sua história, por mor do triunfo entre os movimentos populares galegos do reformismo e o autonomismo. Reagir a esta situaçom é umha obriga de qualquer pessoa que se considere independentista, nom podemos seguir cos cantos de sereias do parlamentarismo e de reclamaçons do dereito de autodeterminaçom burguês, com futuríveis referendos, a mostra a temos no povo irmão de Catalunya. A burguesia galega nom quer, nem tampouco pode, sustentar a luita de libertaçom nacional da Galiza devido a que a época das revoluçons burguesas tem finalizado fai muito, polo que ou se organiza um movimento revolucionário do proletariado galego, co objetivo da construçom do novo poder da Republica Socialista Galega, mediante a ditadura do proletariado ou, o povo trabalhador Galego nom terá máis que a miséria e as migalhas que a burguesia, tanto a burguesia galega como a sua aliada a burguesia espanhola, e as potências imperialistas, queiram dar-nos.

A Galiza é um pais do centro imperialista que igual que o resto está maduro para a ditadura do proletariado e o socialismo. A experiência histórica da luita de classes foi sintetizada no Marxismo e mostra que nom há outra oçom ou algumha outra soluçom intermédia entre o poder político da burguesia e o poder político do proletariado.

Diante desta situaçom Galiza Vermelha, como destacamento comunista que nom oculta o seu objetivo de construir o Partido Comunista de novo tipo, faz um chamado a todas ás organizaçons e pessoas independentistas a nom renunciar às posturas políticas avançadas que caraterizavam ao movimento independentista galego. Entre estas posturas temos que sinalizar a sua consciência do Regime Espanhol como inimigo do povo galego, a sua reivindicaçom da independência nacional ou a realizaçom dumha manifestaçom no Dia da Pátria reclamando a “independência” nacional e a criaçom da “Republica Socialista Galega”. Nom se pode permitir que se censure ao independentismo para poder chegar a acordos e assinar declaraçons com o mais podrido do revisionismo nacionalista espanhol, coa escussa do antifascismo. Nom se pode tampouco apelar à nossa história de luita quando hoje se caminha a carom do autonomismo.

Este 25 de Julho pola República Socialista Galega!

Construamos as ferramentas revolucionárias!

Viva a República Socialista Galega, base de apoio da Revoluçom Proletária Mundial!