Esperpento no Gaiás.
M. Novo.
Valle-Inclán ese galego de Vilanova de Arousa,
obviado pola súa posición cosmopolita polos sectores nacionalistas, seria quen
mellor podería describir o bochornoso acto de presentación do cadro, de outro
galego universal, nado en Rianxo, Daniel Rodríguez Castelao, A derradeira
lección do mestre (1) nos pasados días na Cidade da Cultura, con sede no
mega-proxecto funerario de Manuel Fraga.
Os corvos murmuraban, entre eles, en voz baixa
mentres que o corvo maior vestido de hipocrisía e cinismo afirmaba; "por
fortuna, desde entón o pobo galego ten logrado alcanzar o autogoberno do
que hoxe desfrutamos" e por isto, cree, "somos, en grande medida, a
Galicia que Castelao soñaba".
As pombas presentes, de cores claros, diluídos
polos anos de lavado institucional , representantes do BNG e En Marea, non
daban creto as palabras do grande corvo, que agochou, coa súa cara de mascara
veneciana, o verdadeiro significado do cadro, pintado por Castelao no exilio
bonaerense, representando o fusilamento de Alexander Bovéda. Cadro que acompañou
a Castelao viaxando por todo o mundo na denuncia do fascismo e seus crimenes.
O marqués de quero e non poido, segundo
a frase de Celso E. Ferreiro para describir a corvos, monicreques e humanos,
presenta cinicamente a “post-verdade” dos vencedores, coma a historia
real do acontecido e as pombas xuiciosas e comedidas foron incapaces de
interromper o seu discurso e rebentar esta representación noxenta, coma
probabelmente si o fixera Castelao ou o propio Valle-Inclán diante de tamaña
falsificación.
Castelao e Valle-Inclán non compartían o mesmo
ideario político, e certo, mais si os unía o seu apoio a URSS, no que o
primeiro visitou en varias ocasións e Valle foi fírmante da constitución da
Asociación de Amigos da Unión Soviética (AUS) xunto a figuras coma García
Lorca, Pío Baroja ou Xacinto Benavente. O mesmo Valle-Inclán que por unha orde
policial franquista en xaneiro de 1938, foi buscado para ser arrestado a pesar
de que levaba dous anos morto. Mesmo tamén se non fora por isto, tamén sería
asasinado coma Bovéda.
Notas:
(1) Castelao pintou este coñecido cadro, baseado na estampa número 6 do libro Galicia Mártir, no ano 1945, en Bos Aires, en homenaxe a seu amigo o intelectual Alexandre Bóveda, fusilado o 17 de agosto de 1936.
No hay comentarios:
Publicar un comentario