martes, 27 de octubre de 2020

GALIZA: Conmemoración de la Revolución de Octubre (Galiza Vermelha)

 

Comemoramos a Revoluçom de Outubro que aconteceu o 25 de Outubro de 1917 no calendário juliano e o 7 Novembro 1917 segundo o calendário gregoriano (o atual).

A revoluçom de Outubro foi a conquista do poder político polo novo poder do proletariado russo, o poder dos Soviets. A primeira revoluçom na que o proletariado contava com um verdadeiro partido revolucionário.

Os bolcheviques tamém contava com um aparelho militar, com os guardas vermelhos, os soviets de soldados, marinhos e cosacos e, o aparelho armado dos próprios bolcheviques que existia desde 1905.

A Revoluçom de Outubro foi o acontecimento mais importante da humanidade desde o nascimento das sociedades classistas no Neolítico.

A Revoluçom de Outubro teria tido a mesma importância da que no seu dia tivo a Comuna de Paris mas, como o Partido Comunista da Rússia tinha plena consciência de que o triunfo da revoluçom proletária dependia da "guerra civil revolucionária", hoje podemos ver a grande diferença coa Comuna de Paris.

A guerra civil revolucionária da Rússia foi o enfrentamento entre a ditadura da burguesia e a ditadura do proletariado. Foi umha guerra do proletariado e todo o povo contra a burguesia e a sua nova aliada, a classe aristocrática. A mesma aristocracia que uns meses antes tinha combatido contra a burguesia transformou-se na sua aliada na guerra civil.

O poder soviético do proletariado tivo que enfrentar-se tanto a reaçom interna dos Exércitos Brancos como as grandes potências que invadiram a Rússia, mostrando a força invencível das grandes massas do povo trabalhador quando estas consiguem unir a única teoria revolucionária da nossa época histórica com umha prática revolucionária consciente.

A Revoluçom de Outubro marca o fim da época das revoluçons burguesas e o início da época da revoluçom proletária.
Inclusive nos países atrasados, nas colónias, a burguesia demonstrou que finalizado o período das revoluçons burguesas nom é capaz de cumprir com a sua missom histórica e criar um estado burguês independente.] 

A Revoluçom de Outubro marca o fim da época das revoluçons burguesas e iniciou a época em que mesmo nos países atrasados, nas semi-coloniais, é o proletariado em aliança com os camponeses quem deve criar um estado de transiçom, um "estado de nova democracia", superando a visom etapista do revisionismo.

Lenin, Stalin, Inês Armand, Kruspkaia, etc, muitos militantes do Partido Comunista da Rússia merecem o nosso estudo, a nossa lembrança. Nom se trata de "justiça histórica" para umhas pessoas atacadas pola reaçom, nom. Tratasse da necessidade real que tem o proletariado de contar com referentes revolucionários.

https://twitter.com/GalizaVermelha/status/1320749649427369986

No hay comentarios: