miércoles, 24 de julio de 2013

GALIZA: Declaración do PCm-Galicia co motivo do Día da Patria galega.





Ao pobo traballador galego

Compañeiros e compañeiras:

O Comité de Construción do PC maoísta da Galiza que é unha organización política, con unha ideoloxía científica inequívoca: o marxismo-leninismo-maoísmo, unha liña política e un programa político que conducirá ao establecemento da verdadeira democracia para o pobo do noso país, neste dia da Patria, fai un chamado ao pobo traballador galego a unidade e a creación dunha verdadeira Fronte única Revolucionaria e non o canto de sereas dos partidos pequeno- burgueses nacionalistas que agora falan de unidade. Os mesmo reformistas da falsa oposición parlamentaria BNG e AGE (A Nova+EU) que lonxe de provocar a caída do goberno do PP, retirándose do Parlamento, deron cobertura a ignominia dun goberno autonómico dirixido por narcos e corruptos.

O pobo traballador galego precisa dunha poderosa forza de loita, de novo tipo, para combater e derrotar ao Estado Burgués e aos seus lacaios da Xunta. Só facéndoo así podemos avanzar para poñer fin ao vello Estado opresor español e aos traidores da nosa terra e conseguir unha auténtica Revolucion Socialista e a verdadeira liberdade e tamén salvar a nosa mocidade – o tesouro máis valioso para o futuro do noso país.
Así mesmo chamamos a loita activa contra os explotadores, traidores e lacaios dos imperialistas que baixo o traxe da caduca democracia parlamentaria, queren vender o noso pais a prezo de saldo.

Abaixo ó goberno reaccionario da Xunta e do Estado !

Fora os lacaios, explotadores e traidores da nosa Terra!

A rebelión xustificase!

Viva Galiza libre e Comunista!

Viva o marxismo-leninismo-maoísmo!

Viva o Internacionalismo Proletario!


Galiza, 25 xullo do 2013

Comité de Construción do PC maoísta da Galiza

No hay comentarios: