viernes, 23 de agosto de 2013

GALIZA: Ceivar denuncia imputaçon de manifestantes.

mani_contra_as_minasNo dia de ontem, os meios de comunicaçom empresariais filtravam a nova da imputaçom por parte da Audiência Nacional de quatro militantes independentistas, mais umha vez polo delito de "enaltecimento do terrorismo". De ser certa esta informaçom, já seriam 21 as pessoas imputadas polo tribunal político espanhol polo facto de portar "piruletas" com fotos de pres@s polític@s independentistas em diferentes atos públicos como concentraçons, manifestaçons e mesmo lip-dubs de centros sociais.
Nesta ocassom forom os meios de intoxicaçom os primeiros em conhecer a imputaçom dos 4 militantes, que figerom públicos sem pudor nengum os seus nomes e apelidos, dando conta do caráter repressivo da imprensa oficial. Enquanto as próprias militantes desconhecem a veracidade desta imputaçom, pois nom tenhem recebido notificaçom de nengum tipo, os seus nomes já forom postos no alvo repressivo ao fazé-los públicos dum jeito inculpatório numha nova cheia de falsedades e fatos incertos.
Sem mais informaçom e à espera de novas que aclarem estes fatos, de Ceivar queremos denunciar o papel repressivo dos meios de incomunicaçom que trabalham de maos dadas com a polícia espanhola. Esquecido todo princípio jornalístico e convertidos em simples mercenários do poder, animamos a ignorá-los como fonte de informaçom e a denunciá-los no seu papel de intoxicadores, manipuladores e alienadores de massas

No hay comentarios: