Desde Galiza Vermelha editamos a traduçom para a nossa língua do texto “China, umha nova potência Social-Imperialista”, umha análise imprescindível do Partido Comunista da Índia (maoista). Tanto a ediçom digital como a ediçom impressa som ferramentas úteis para a formaçom do proletariado galego.
INTRODUÇOM DE GALIZA VERMELHA PARA ESTA EDIÇOM
O PCI(maoista) é agora mesmo o maior Partido Comunista do mundo. Ademais este Partido Comunista está dirigindo o maior Exército Vermelho existente na atualidade, na sua Guerra Popular contra o poder dum estado burguês semi-feudal, mas que é umha potência nuclear. O novo poder revolucionário está-se consolidando nas bases de apoio da Índia e é precisamente isto o que transforma ao PCI(maoista) num referente para o proletariado consciente de todos os povos. Esta realidade é conhecida polo maoismo galego do que a nossa organizaçom forma parte.
O avanço na integraçom entre a teoria revolucionária como a imprescindível guia para açom coa prática social consciente do proletariado, unido à necessidade de que esta prática social poda pola sua parte alimentar à teoria é umha necessidade, um problema real do Movimento Comunista Internacional (MCI) neste momento. A soluçom deste problema implica dar-lhe um especial protagonismo ao fator consciente, a necessidade de entender e transfomar o mundo conscientemente. É imprescindível conhecer a história do proletariado revolucionário para criar a nossa cosmovisom, a nossa nova cultura revolucionária. É imprescindível conhecer as mudanças sociais, económicas, políticas, culturais e militares que se dérom até hoje. É imprescindível conhecer as evoluçons e transformaçons dos estados burgueses e muito mais dos estados que algum dia fôrom socialistas.
É por isto desde Galiza Vermelha consideramos que o presente texto, “China: umha nova potência Social-Imperialista!” é umha obra útil para a formaçom do proletariado galego. Trata-se dumha análise sobre a restauraçom capitalista na China, sobre qual foi o rumo ditado polo revisionismo, sobre o papel atual do Estado Chinês na distribuiçom mundial capitalista, sobre como se tornou umha nova potencia social-imperialista, sendo parte do sistema capitalista-imperialista mundial e sobre como se tornou um inimigo das naçons e povos oprimidos do mundo.
Umha boa leitura camaradas.
Galiza Vermelha
No hay comentarios:
Publicar un comentario